PRO 6, padayon nga nagapanawagan sa mga drug users nga magpa-rehab

Iloilo City — Padayon nga nagapanawagan ang Police Regional Office 6 sa mga drug users nga magpa-rehab. Nagapati si PRO 6 spokesman Gilbert Gorero nga magabag-o pa ang drug user kon makapa-rehab. Dapat suno sa iya nga maghalin sa kaugalingon ang desisyon nga magbag-o kag indi sa kakulba ukon sa kahuya.

Sa mga luyag magparehab, dapat suno kay gorero nga magsurrender sa mga pulis kag magpa-assess sa Department of Health agud makasulod sa programa pareho sang ginatanyag sa camp delgado nga ginapadalagan sang non-government organization halin sa Cagayan de Oro. Una na nga ginkonfirmar ni Gorero nga enrollee sa drug rehab center sa kampo si Desamparados Jaro punong barangay Noemi Jablo.

Mayo 22 sang nagsulod si Jablo sa rehab center kag nagapadayon tubtob subong. Ini na ang ikapito nga batch sang session nga matapos sa sulod sang 90 ka adlaw. (JoMaque)