WORD WAR SANG DUHA KAPITAN SA LAPUZ, NAG-IBWAL

Iloilo City–Gintawag ni Libertad, Lapuz Punong Barangay Sumakwel Nava si Jalandoni Estate, Lapuz Punong Barangay Efren Gimeo nga congenital liar.

Ginhangkat man niya ini nga dungan sila magpa-drug test. Si Gimeo suno kay Nava ang yara sa listahan sang PDEA. Ang pahayag ginhimo ni Nava kasunod sang alegasyon ni Gimeo nga gintawag siya nga “gago” ni Nava kag ginpahog man siya sang bata sini nga tiruhon.

Ang away sang duha ka kapitan nag-ugat sa pagpakakas ni Nava sang ring sa basketball board sa covered gym nga gina-share sang duha ka barangay. Reklamo ni Nava, ginapanahuran, nagalapta ang basura kag mapangsot ang gym kabangdanan iya ginpakaksan sang ring.

Ginpahayag naman ni Gimeo nga may attitude problem si Nava kadungan sang panugyan sa iya pumuluyo nga hulaton na lang nga matapos ang termino sini sa Oktubre. (AGB)