Kaso sang dengue sa Western Visayas, nagnubo!

Nagnubo ang kaso sang dengue sa Western Visayas suno sa Department of Health 6.

Base sa record, nagalab-ut sa 1, 997 ang kaso sang dengue sa rehiyon nga may 19 ka patay halin Enero 1 tubtob Mayo 27 subong nga tuig. May pinakamadamo nga kaso ang Negros Occidental nga may 847 kag 9 ka patay; nagapangaduha ang Bacolod City nga may 324 ka kaso kag lima ka patay; pangatlo ang Aklan nga may 288 ka kaso kag duha ka patay; nagasunod ang Iloilo province nga may 229 ka kaso kag duha ka patay, Capiz nga may 99, Iloilo City nga may 89 kag Antique nga may 88 ka kaso kag isa ka patay.

Sa Iloilo province, may pinakamadamo nga kaso sang dengue ang Calinog kag Passi City. Mandurriao naman ang nagapanguna sa Iloilo City. (AGB)