(UPDATE) Amendments sa Speed Limit Ordinance, talakayon sa masunod nga session sang City Council

Iloilo City–Talakayon sa masunod nga session sang City Council ang igaduso nga amendments ni Councilor Joshua Alim sa Speed Limit Ordinance.

Suno kay Alim, automatic nga masuspender ang pagpatuman sang ordinansa sa tion nga i-deliberate sang konseho ang mga amendments.  Antes ipasulod sa agenda sang masunod nga session, pahibaluon ni Alim ang Traffic Oversight Committee angut sa iduso niya nga mga amendments.

Una na ginkonsiderar ni Alim ang temporaryo nga pagpasuspender sang Speed Limit Ordinance bangud sang mga reklamo. Bukas naman ang konsehal bilang author sang ordinansa sa mga suhestyun agud mapaayo ini. (AGB)