17-anyos nga solterito nabun-an sa kinagamo sa Molo

Pilason ang 17-anyos nga solterito sang nabun-an sa kinagamo sang mga pamatan-on sa boundary sang Brgy. Boulevard kag San Juan, Molo pasado kagab-i, Abril 25.

Suno kay Police Lieutenant Herbert Remigio sang Molo Police Station, base sa alegasyon sang biktima, nagapaligo sila sa baybay upod ang iya siyam ka mga abyan sang nag-abut ang grupo sang suspek.

Gilayon nga may nagluntad nga rumble sa tunga sang duha nga grupo kag ginpukas pa sang mga tanod, suno sa police.

Nadiskubrihan na lang nga nabun-an na ang biktima sa likod gani gindala sa ospital.

Ginatudlo sang mga grupo sang biktima nga ang 16-anyos nga solterito nga taga-San Juan ang nakabuno sa iya, suno sa police.

Sa pagpangusisa naman sang police, may mga previous record ang suspek kag involve man sa ginamo sa Molo.

Ginpahayag ni Procopio Velasco, deputy tanod commander sang Brgy. Boulevard, natyempuhan lang suno sa iya nga nakabiya sa lugar ang mga tanod sang nagsugod ang kinagamo. — via Aksyon Farrah Mae Morano