Engkwentro sa Leon!

Leon, Iloilo–Naka-engkwentro sang mga katapo sang 61^st Infantry Battalion ang suspected nga mga katapo sang New Peoples Army sa Barangay Lampaya kaina sang aga.

Ginkonfirmar ni Lieutenant Colonel Sisenando Magbalot Jr, commanding officer sang 61^st IB, nga naglawig sang 30 minutos ang engkwentro antes nag-isol ang armado nga grupo. Padayon ang paglagas sang mga tropa kaupod ang Regional Public Safety Battalion sa mga suspek.

Sa impormasyon nga nakalab-ut sa tropa, may duha ka pilason sa mga armado. Pilason man si Barangay Tanod Romeo Cabalong sang Lampaya nga may igo sa liog kag gindala na sa ospital sa syudad.

Temprano naman nga ginpapuli ang mga estudyante kag manunudlo sa Mali-ao Elementary School nga kaingud sang Lampaya. Nagdeklarar man si Mayor Calay Alonsabe sang Alimodian nga malapit sa Leon sang suspension sang klase sa tanan nga eskwelahan kag ginpapuli na ang mga estudyante kag manunudlo. (AGB)