2 ka balay, nasunog sa Mina!

Mina, Iloilo–Isa ka balay ang naabo, isa ang partially-burned sa sunog sa Barangay Mina West pasado alas-8 kaina sang aga.

Suno kay Fire Officer 2 Ricson Flores, arson investigator sang Mina Fire Station, ginapanag-iyahan ang mga balay nanday Loida Mabagos kag Helen Manaay. Naubos gid ang balay ni Mabagos samtang partially-burned ang kusina ni Manaay.

Sa inisyal nga pag-imbestigar, nagsugod ang kalayo sa kusina sang balay ni Mabagos. Ginabanta sa P350, 000 ang kabug-usan nga kahalitan sa sunog. (AGB)