2 nadakpan sa drug buy bust operation sa sulod sang mall sa Mandurriao

Iloilo City–Duha ang nadakpan sa buy bust operation sa sulod sang mall sa Barangay Bolilao, Mandurriao kaina sang hapon.

Ginkilala ang subject kay Gino Siva, 27-anyos sang Barangay Bakhaw, Mandurriao. Gindakup man ang iya kaupod nga si Joel Mijares, 35-anyos sang San Isidro, Jaro. Nakuha sa duha ang anum ka sachets sang suspected shabu kag P1, 500 nga kwarta.

Naakig naman si Bolilao Punong Barangay Nenita Joson bangud nagpakilala si siva nga iya residente pero nag-ako sang ulihi nga taga-Bakhaw siya. Nagapati si Joson nga may mga nagagamit sang iya barangay kon madakpan sa anti-drug operations. (AGB)