January 23, 2022

Binilyon nga balor sang infrastructure projects, ipatindog sa Western Visayas

Read Time:54 Second

Iloilo City–Ginlunsar sang National Economic and Development Authority ukon NEDA 6 ang Philippine Development Plan 2017-2022 sa idalum sang administrasyon ni Presidente Rodrigo Duterte.

Ginpahayag ni NEDA 6 Assistant Regional Director Raul Anlucotan nga sa idalum sang sini nga plano ang binilyon ka pesos nga balor sang infrastructure projects sa Western Visayas. Ini nga mga proyekto nalakip man sa Regional Development Investment Program ukon RDIP nga kaupod sa Regional Development Plan sang NEDA 6.

Nagapanguna sa mga proyekto nga ini sa Western Visayas ang pagkumpleto sa Panay-Guimaras-Negros ukon ang PGN Island Bridge project nga nagabalor sang 27 bilyones pesos. Lakip man sa plano ang 30 billion peso improvement sang Iloilo International Airport, 20 billion peso Silay Airport kag ang 13 billion peso Panay River Basin Integrated Development projects.

Padayunon man ang 11.2 billion peso nga Jalaur River Multipurpose Project II sa Calinog, Iloilo. Ang iban nga proyekto yara na sa bidding process samtang may ginahimo naman nga feasibility study sa iban nga projects pareho sang taytay nga maga-angut sa Panay, Guimaras kag Negros. (AGB)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Iloilo City Lone District Rep. Jerry Treñas, gin-imbitar nga magkadto sa Malacañan\
Next post Meter reading card ordinance, ginalauman nga ma-implementar na matapos na-publish sa local newspaper