Negosyante sa Sara, ginhold-up

Sara, Iloilo — Malapit sa 70,000 pesos ang nakuha sa negosyante nga ginhold-up sa Sara. Ginkilala ang tagreklamo kay Christine Lagura, 32 anyos sang Brgy. Crespo, Sara. Suno kay PCO Ronnie Brillo, hepe sang Sara Police Station, natabu ang pagpanghold-up las 8:30 kagab-i sa Brgy. Lanciola, Sara. Nagapauli na ang negosyante sakay sa motorsiklo upod sa iya bata sang gulpi lang gintayaan sang pusil sang lalaki kag nagdeklarar sang hold-up. Nakuha kay lagura ang masobra 30,000 pesos nga kuwarta, cellphone nga nagabalor sang 15,000 pesos kag relo nga nagabili sang 8,000 pesos. Dugang ni Brillo, may nagahulat na nga motorsiklo sa unhan nga amo ang gingamit sang suspetsado sa pagpalagyo. (JoMaque)