Mag-iloy patay sa pagpangbuno sa Brgy. Tiwi, Barotac Nuevo

Barotac Nuevo, Iloilo — Napatay si Nelly Britania kag iya bata nga si Lilibeth Britania-Silvederio matapos ginpangbuno sa ila balay pasado alas-6 kagab-i. May patal nga pilas sa dughan ang mag-iloy. Padayon nga ginabulong sa WVMC ang bata ni Lilibeth nga si John-John, agot sa lima ka mag-utod, nga may pilas sa likod, dughan kag baba. Ginkilala ang suspetsado kay  Efren Discutido. Suno kay Sherwin Silvederio nga bata ni Lilibeth, naakig si Discutido bangud nalab-ut ang iya balay sang gintakus ang duta nga ginbakal nila.

Nag-surrender sa mga pulis kaina sang kaagahon si Discutido. Sa bulig sang utod sang suspek, ginpasurrender sini sa mga pulis. Suno kay PCI Raymond Celoso, hepe sang Barotac Nuevo Police Station, gin-ako ni Discutido ang krimen. Suno sa suspek, na-impito siya sang nagbaisay sila ni Lilibeth Britania-Silvederio. Away sa duta ang ginasunod nga anggulo sang mga pulis. (JoMaque)