Suicide rate sa Western Visayas, maka-alarma suno kay City Councilor Dr. Candice Tupas

Iloilo City–Maka-alarma ang numero sang suicide ilabe na sa age bracket nga 15 tubtob 24-anyos sa Western Visayas.

Suno kay Iloilo City Councilor Dr. Candice Tupas, base sa data halin sa Department of Health 6, nagapang-apat ang violence lakip ang suicide sa mga rason sang kamatayon samtang nagapangatlo ang injuries kag disabilities.

Base naman sa data sang Iloilo City Police Office halin 2015, 22 ka kaso sang suicide na ang narecord sa syudad, lima ang attempted kag 14-anyos ang pinakabata nga narecord nga nagpanginmatay.

Nagakinahanglan suno kay Tupas sang dugang nga psychiatrists kag hanason man ang mga municipal health workers agud mahatagan sang atensyon ang mga indibidwal nga may problema kag makalikaw nga mag-suicide. (AGB)