Pamilya sang 70-anyos nga lalaki nga napatay sa sunog sa Badiangan, kumbinsido nga wala sang foul play sa natabu

Badiangan, Iloilo–Wala na ginpa-autopsy sang pamilya ang bangkay sang 70-anyos nga lalaki nga napatay sa sunog sa Poblacion kahapon.

Suno kay Senior Fire Officer 3 Ariel Benitez sang BFP Badiangan, nagapati ang pamilya ni Benedicto Mamon nga wala sang foul play sa natabu. Nasapwan ang lawas ni Mamon matapos ang sunog nga nag-abo sang abandonado nga balay nga iya temporaryo nga gina-istaran.

Sa pagpangusisa ni Benitez, ginpahayag sang mga kasilingan nga masami nagatutod sang mga tela sa sulod sang balay si Mamon. Ginpabutyag man sang pamilya nga may deperensya sa paminsaron ang napatay. (AGB)