21-anyos nga crew sang fast food chain, nabun-an sa Molo

Iloilo City — Natripingan ang 21-anyos nga crew sang fast food chain matapos nabun-an samtang nagahulat sang jeep sa West Habog-Habog, Molo kaina sang kaagahon. May pilas sa likod si John Carlo Buenaflor kag padayon nga ginabulong sa West Visayas State University Medical Center. Duha ka lalaki ang gintudlo sang kaupod sa trabaho ni Buenaflor nga suspek nga nagpalagyo pagkatapos sang natabu. Base sa pagpangusisa sang Molo police, gintudlo nga nagbuno sanday Jesam Montaño, 20-anyos kag Jomel Nobleta, 18-anyos sang South Baluarte, Molo. Ang duha ka suspek ang mga tokhang surrenderer kag nagpaidalum sa drug rehab pero wala naka-graduate. (JoMaque)