Kontrobersyal nga hepe sang Ozamis City Police Station, handa magpa-assign sa Western Visayas

Handa magpa-assign sa Iloilo ukon iban nga parte sang Western Visayas ang kontrobersiyal nga hepe sang Ozamiz City Police Station nga si PCINSP Jovie Espenido kon may mandu halin sa mataas nga pamunuan sang Philippine National Police.

Ginpasiguro ini ni Espenido kon hatagan sang tsansa nga ipahamtang sa Western Visayas. Gin-ako ni Espenido nga luyag niya ma-assign sa mga lugar nga may problema agud iya masolusyunan.

Nangin kontrobersiyal si Espenido kasunod sang kamatayon ni the late Albuera, Leyte Mayor Rolando Espinosa, amay sang ginatudlo nga Easterm Visayas drug lord nga si Kerwin Espinosa, sa raid sang CIDG samtang preso sa Baybay City, Leyte sang Nobyembre, 2016. Ginsaylo siya sa Ozamiz City sa diin napatay sa raid sang mga pulis sang Domingo sang kaagahon si Mayor Reynaldo Parojinog upod ang 14 ka iban pa. (AGB)