Mayor Jed Patrick Mabilog, nagpanawagan sa mga kritiko nga mag-move on na

Iloilo City — Ti-on na para magmove-on. Ini ang mensahe ni Mayor Jed Patrick  Mabilog sa iya mga kritiko nga naga-kwestyon sa iya pag-akto sa problema sa illegal nga druga sa syudad.  Suno kay Mabilog, dapat ang tutukan amu ang iya nahimuan umpisa sang nagsugod ang kampanya kontra illegal nga druga ni Presidente Rodrigo Duterte. Ginpabutyag ni Mabilog nga handa siya nga atubangun ang konsekwensya kun nagpabaya man gid siya sa kampanya kontra illegal nga druga.

Nagapati naman ang Philippine Drug Enforcement Agency ukon PDEA 6 kag Iloilo City Police Office ukon ICPO nga wala nagpabaya si Mabilog sa kampanya kontra illegal nga druga sa syudad. Nagpasalamat si PDEA 6 Director Atty. Gil Pabilona sa suporta kag initiatibo ni Mabilog nga positibo ang nangin reaksyon matapos ginhingadlan ni Duterte nga drug protector.

Suno naman kay ICPO Deputy for Operations Police Superintendent Rojen Morales, indi masarangan sang pulis ang away kontra illegal nga druga kun wala sang suporta halin sa local government t unit ukon LGU. (JoMaque)