IPPO Director, nag-apelar nga indi pagsakdagon ang mga nagapataya sang bookies

Iloilo–Naga-apelar si Iloilo Police Provincial Office ukon IPPO Acting Director PSSUPT Marlon Tayaba sa mga stakeholders kag mga pumuluyo sa probinsya nga indi pagsakdagon ang mga nagapataya sang bookies.

Kasunod ini sang impormasyon nga indi masarangan sang kapulisan nga dulaon ang illegal gambling activities sa sulod sang 15 ka adlaw nga ultimatum ni PNP Chief Director General Ronald dela Rosa nga nagtakup subong nga adlaw. Suno kay Tayaba, kinahanglan nga magbuligay ang kapulisan, local government units, legitimate STL operators kag pumuluyo agud matapna ang illegal gambling.

Lakip sa mga banwa suno kay Tayaba nga may madata nga bookies amo ang Balasan, Carles, Estancia, Batad, Barotac Nuevo, Pototan kag Janiuay. (AGB)