Duha ka mga barangay kapitan nga nadakpan sa buy bust operation sa syudad, wala nalakip sa drug watchlist sang ICPO

Iloilo City — Wala nalakip sa drug watchlist nga gina-uyatan ni Iloilo City Police oOfice Director Remus Zacharias Canieso sanday Rizal, Lapaz punong barangay Jolly Peñasales kag Tanza, Baybay City Proper punong barangay Dominador Deocampo nga nadakpan sang nagligad nga semana. Suno kay Canieso, siyam lang ka barangay kapitan ang ara sa ila watchlist nga ginabug-usan sang tatlo sa City Proper, duha sa Mandurriao; duha sa Jaro kag duha sa Molo. Sa siyam, isa na lang ang wala nagsurrender sa ICPO nga halin sa Mandurriao. Gin-athag ni Canieso nga wala pa nalakip sa ila listahan ang mga barangay kagawad. (JoMaque)