Functions sang Iloilo City Dangerous Drugs Administrative Board, kuwestyunable suno kay Councilor Joshua Alim

Iloilo City–Kuwestyonable ang functions sang gintukod nga Iloilo City Dangerous Drugs Administrative Board ukon ICDDAB. Ini ang pahayag ni Councilor Joshua Alim kasunod sang pag-aprobar sang konseho sa ordinansa nga nagatukod sang board.

Gintumod sang konsehal ang function sang ICDDAB nga puwede makadeklarar nga public nuisance ang lugar nga may nagakatabu nga drug transactions.

Lakip na dire ang pagguba ukon pagpasirado sang istruktura kun mahibaluan nga may nagakatabu nga drug activities.

Dapat mangin ma-athag suno sa konsehal ang functions sang ICDDAB agud indi magka-problema ang syudad ilabe na nga gin-ako sang author nga si Councilor R. Leone Gerochi, nga  ginkopya niya lang sa Comprehensive Dangerous Drugs Act ang probisyon sang ordinansa. (AGB)