Ilonggo nga miembro sang Philippine Marines, napatay sa Marawi

Iloilo–Nagdugang ang Ilonggo nga miembro sang Philippine Marines sa mga casualties sa tropa sang gobyerno sa nagapadayon nga engkwentro sa Marawi City.

Nag-abot kaina sa Iloilo ang bangkay ni Private First Class Kevin Cangrejo nga tumandok sang Brgy. Canabuan, Tigbauan. Suno sa iya tiyo nga si Andres Cubing, operator sang armored car si PFC Cangrejo. Dugang niya, nadisgrasya sa land mine ang salakyan nga ginamaneho sang iya hinablos nga napilasan sa likod nga parte sang iya ulo.

Si PFC Cangrejo ang bata nanday Nenita kag Benjamin Cangrejo kag may tatlo ka utod nga mga lalaki. (AGB)