BJMP 6, ma-imbestigar sa ginpahayag koneksyon sang duha ka lalaki nga ginhal-id sa Cabatuan sa Iloilo District Jail sa Pototan

Iloilo — Ginpa-imbestigaran ni Bureau of Jail Management and Peonology (BJMP) 6 Director Rex Delarmente ang impormasyon nga may priso sa Iloilo District Jail sa Nanga, Pototan ang konektado sa duha ka lalaki nga ginhal-id sa Tiring, Cabatuan. Magapakig-angut si Atty. Delarmente kay Iloilo Police Provincial Office (IPPO) Director Marlon Tayaba agud makuha ang kompleto nga identity sang priso nga ginpahayag nagahatag sang instruction sa mga biktima kun diin kuhaon ang illegal nga druga. Base ini sa narecover nga cellphone sang IPPO sa bangkay nanday Michael Malones kag Jonathan Peñafiel sa diin nakita ang mga text messages sang drug transaction sa ginpahayag priso nga drug personality. (JoMaque)