Gov. Arthur Defensor, nag-issue sang moratorium sa bag-o nga mga applicants sa quarry operations sa 5 ka major river system sa probinsya

Iloilo — Temporaryo nga gin-suspender ni Governor Art Defensor ang issuance sang permit sa mga bag-o nga aplikante nga maga-quarry sang commercial kag industial sand and gravel kalakip na ang small mining permits.  Nag-issue na sang Executive Order number 227, series of 2017 ang gobernador kag gin-forward sa opisina sang Provincial Environment and Natural Resources Office ukon PENRO.  Base sa EO No. 227,  nagapakita nga ginasuspender ang pag-issue sang permits sa mga apllicants sa mga small mining, commercial kag industrial sand and gravel nga tuyo maghimu sang quarry sa lima ka mga mayor nga suba sa probinsya ilabi na ang Aganan, Jalaur, Sibalon, Suague kag Ulian River. Magluwas sa EO 227, nag-issue man ang gobernador sang EO nga naga-tukod sang Inter-Agency Task Force for River Rapid Assessment kag ang pag-regulate sa pag-gamit sang back hoe sa quarry operations. (JoMaque)