87 KA BALAY NAUPOS, 7 TOTALLY DAMAGED SA SUNOG SA BOLILAO,BAKHAW MANDURRIAO

Iloilo City – 87 ka balay ang totally damaged kag pito ka balay ang partially damaged sa sunog sa Barangay Bolilao kag Barangay Bakhaw, Mandurriao kahapon sang aga.

Sa pinaka-ulihi nga report sang mga barangay officials, 37 ka balay ang naupos gid kag tatlo ang partially damaged sa  Bolilao. Samtang sa Bakhaw, 50 ka balay ang totally damaged kag apat ang partially damaged. Sa kabug-usan, 108 ka pamilya ang apektado sang sunog.

Nag-evacuate ang mga apektado nga pamilya sa barangay halls, chapel kag eskwelahan. May mga nagsaylo man sa balay sang ila himata.

Padayon ang imbestigasyon sang Bureau of Fire Protection kon ano ang ginhalinan sang sunog. Pero sa impormasyon nga nakalab-ut kay Bolilao, Mandurriao Punong Barangay Nenita Joson, nagsugod ang kalayo sa bakhaw.

(ATT)