Duha pa sa 15 ka core members sang Prevendido Drug Group, nagapabilin nga at large

Iloilo City — Duha na lang sa 15 ka core members sang Prevendido Drug Group ang wala pa nadakpan sang mga pulis. Sa impormasyon sang Aksyon Radyo Iloilo, nagapabilin nga at-large si Ernesto Bolivar alyas Erning sang Pototan nga sub-group leader sa Iloilo kag si Ariel Prevendido alyas Shabu, hinablos sang napatay nga si PDEA 6 identified drug group leader Richard Prevendido. Ginpahayag nga may 15 ka core members ang Prevendido Drug Group kag lima diri ang mga miembro sang pamilya Prevendido.   Sa validation sang mga pulis, may kaugalingon nga tinawo ang kada key players sa drug group.  Lakip sa mga na-aresto na sa Prevendido drug group suno sa mga pulis sanday Boni Gregori, Abelardo Prevendido, Norberto Prevendido kag Ednie Jimena. Napatay si Richard Prevendido kag iya bata nga si Jason sang ginpahayag nga nagbato sa mga pulis nga maserbe sang warrant of arrest sa balay nga ginapanaguan sa Landheights Subdivision sa Balabago Jaro sang biernes sang gab-i. (JoMaque)