Petition sang transport groups nga magpasaka sang plete sa mga depasahero nga jeep, wala pa na-aksyonan sang LTFRB

Iloilo City — Wala pa sang aksyon ang Land Transportation Franchising and Regulatory Board ukon LTFRB 6 sa petition sang mga transport groups nga pagpasaka sang plete sa depasahero nga mga jeep.  Suno kay Mr. Boyet Parcon, presidente sang Iloilo City Loop Alliance of Jeepney Owners and Drivers Association ukon ICLAJODA, posible nga sa masunod nga semana pa sila makabaton sang sabat halin kay LTFRB 6 Director Ronald Ramos. Ini bangud may seminar si Ramos sa guwa sang rehiyon subong.  Ginaduso sang grupo ni Parcon nga pasakaan sang piso ang pamasahe bangud apektado na ang mga drivers sang sunod-sunod nga increase sa presyo sang gasolina.  Nagalaum si Parcon nga pamatian sang LTFRB ang ila hingyo. (JoMaque)