2 ka estudyante, dakup sa buy bust operation sa Arevalo!

Iloilo City–Nadakpan ang duha ka nautical students sa buy bust operation sang Regional Drug Enforcement Unit sa Arevalo pasado alas-2 kaina sang hapon.

Suno kay PSI Kenneth Bermejo, nabaklan nila sang daku nga sachet sang suspected shabu si Josen Michael Ronzales, 20-anyos sang Poblacion, Jordan, Guimaras, gamit ang P1, 200 nga buy bust money. Naabtan naman si Earl Bryan Dola, 19-anyos sang Sarawag, Janiuay, nga naga-repack sa kwarto sang boarding house. Ginrason ni Dola nga ginpakadto lang siya ni Ronzales sa iya boarding house.

Suno naman kay Ronzales, ginsugo lang siya ni certain JM nga taga-Villa nga i-dispose ang items. Gin-ako ni Ronzales nga naka-agi siya gamit sang illegal drugs pero subong lang siya nagbaligya.

Gintudlo naman ni Bermejo si Ronzales nga nagabaligya sang illegal drugs sa mga estudyante. Si Ronzales lang ang subject pero natabuan si Dola sa kwarto. 17 tanan ka sachets sang suspected shabu ang narecover sa duha. (AGB)