38-anyos nga laborer sa Arevalo, ginbuno patay

Iloilo City — Patay ang 38-anyos nga laborer nga ginbuno sang foreman sa Dulonan, Arevalo kagab-i. Ginkilala ang biktima kay Roberto Salcedo sang San Lorenzo, Guimaras nga may tatlo ka pilas sa dughan, isa sa likod kag isa sa balikawang. Gindala si Salcedo sa The Medical City apang gindeklarar nga dead on arrival suno kay PO2 Juan Parreño, imbestigador sang Arevalo Police Station. Naaresto naman ang suspek nga si Nilmer Mamon sang Ybiernas, City Proper. Suno kay Mamon, masulod na siya kuntani sa iya kuwarto apang ginapabati-batian sang istorya sang biktima. Ginpahayag ni Mamon nga naimpito siya rason nga ginbuno si Salcedo. (JoMaque)