Live-in partner sang preso sa BJMP-Ungka Jaro kag ginapatihan downline sang Prevendido Drug Group, nadakpan sa buy bust operation sa atubang sang jail facility

Iloilo City — Arestado ang downline sang Prevendido Drug Group sa buy bust operation sa atubang sang Bureau of Jail Management and Penology sa Brgy. Ungka, Jaro. Suno kay PDEA VI Regional Director Wardley Getalla, ginkilala ang subject kay Julie Ann Palomar,35-anyos kag residente sang Brgy. Bakhaw, Mandurriao. Nakuha kay Palomar ang bulto sang suspected shabu nga nagabalor sang mas o menos Php 25,000. Ginpaatahag naman ni Jail Senior Inspector Vicente Papilera, warden sang BJMP Ungka, nga wala sang dalaw sa nasambit nga jail facility kahapon. (JoMaque)