(UPDATE) Bangkay nga nasapwan sa patyo sang Barotac Nuevo, nakilala na

Barotac Nuevo, Iloilo–Nakilala na ang bangkay sang lalaki nga may mga pilas sang pagkabuno nga nasapwan sa sulod sang patyo sa Barotac Nuevo kahapon.

Suno kay PCI Raymond Celoso, hepe sang Barotac Nuevo Police Station, ginkilala ang lalaki kay Danilo Delgado, 48-anyos sang Brgy. Tabuc Suba sang nasambit nga banwa. Nagabulig sa sepulturero sa patyo ang biktima suno kay Celoso.

Nagsungka sa mga pulis ang suspetsado sa pagpatay nga si Val Perez, 29-anyos sang Brgy. Tabucan, Barotac Nuevo. Ginpahayag ni Perez nga ginpahog nga patyon sang biktima ang iya walo ka tuig kag 10 ka tuig nga bata nga ginsugo niya nga magbakal sa tyangge sang Setyembre 23.

Ginkomprontar niya si Delgado apang ginpahayag sini nga ginhandos sang kutsilyo ang isa sa mga bata ni niya pero wala napilasan bangud may tagub. (AGB)