Bana, naghikog patay sa Arevalo

Iloilo City — Patay ang 36-anyos nga lalaki pagkatapos naghikog sa Zone 10, Brgy. Calaparan, Arevalo. Ginhingagaw pa dala sa ospital si alyas Ronald apang wala gid natabangan. Nakit-an na lang nga nagabitay sa balayan sang ila gamit ang cable wire si Ronald. Sa imbestigasyon sang mga pulis, nagbitay si Ronald matapos indi ini magpasugot nga maglakat ang iya asawa sa abroad nga naga-process sa iya papeles sa Manila. Ginadudahan man sang bana nga may iban nga lalaki ang iya asawa rason nga nagpanginmatay. Kumbinsido naman ang pamilya ni Ronald nga wala sang foul play sa iya kamatayon. (JoMaque)