PRO 6, plano nga magtigana sang reward agud madasig nga madakpan ang duha ka gintudlo bag-o nga drug group leaders sa Iloilo

Iloilo City–Plano sang Police Regional Office 6 nga magtigana sang reward para sa madasig nga pagkadakup kanday Ernesto Bolivar alyas Erning sang Pototan kag Federico Balume alyas Master Pedik sang Sara nga gintudlo bag-o nga mga drug group leaders sa Iloilo.

Suno kay PRO 6 Spokesman PSUPT Gilbert Gorero, iplastar nila ang plano sa Regional Peace and Order Council kag hingyuon ang kada local chief executive nga magtigana sang pondo para sa reward. Nagalaum si Gorero nga suportahan sang local government units kag publiko ang lihuk ilabe pa nga ginakabig nga daku nga problema ang illegal drugs.

Sanday Bolivar kag Balume ang ginpahayag sang PRO 6 nga downline sang napatay nga sanday PDEA 6 identified drug group leaders Melvin Odicta kag Richard Prevendido. (AGB)