Validation sa listahan sang mga gin-alegar involved sa illegal gambling sa Iloilo, natapos na sang IPPO

Iloilo–Natapos na ang validation sang Iloilo Police Provincial Office sa listahan nga ginpasa ni Board Member Domingo Oso sang mga gin-angut sa illegal gambling sa probinsya.

Sa 34 ka pangalan sa listahan, may mga na-validate nga involved sa illegal gambling samtang ang iban ang wala sang nagakaigo nga basehan agud i-angut sa illegal nga pasugal.

Nagaguwa man sa validation suno kay IPPO Director Marlon Tayaba nga wala sang ebidensya nga nagatum-ok kay Supt. Ruby Gumban nga financier ukon protector. Nangin aktibo suno kay Tayaba si Gumban sa anti-gambling operations sa mga lugar nga iya ginpangalagaran.

Isumiter ang validation report sa Police Regional Office 6 para sa ila kaugalingon nga validation. (AGB)