Councilor Jeffrey Ganzon Kag Timawa Party Naghiwat Sang Rally Sa Molo Bilang Suporta Sa Ginaduso Nga Federalism Government Kag War On Drugs Campaign Sang Duterte Aminsitration

Iloilo City – Naghiwat sang rally si Councilor Jeffrey Ganzon kag ang Timawa Party sa San Pedro Gym sa Molo bilang pagpakita sang suporta sa ginaduso nga Federalism government kag war on drugs campaign ni Presidente Rodrigo Duterte.

Suno kay Ganzon, kinahanglan buligan ang Presidente sa iya mga programa para sa buwas damlag sang kabataan kag seguridad sang mga pumuluyo.

Gin-depensahan man sang konsehal si Duterte sa mga isyu sa extrajudicial killings kag violation sang human rights.

Suno sa iya, wala pa man napamatud-an nga guilty ang Presidente.

Sa pagkamatuod suno sa iya maswerte ang pungsod bangud si Duterte ang nangin Presidente bangud sang pagkabalaka niya sa seguridad sang mga Filipinos.

Plano ni Ganzon nga maghiwat sang kapareho nga rally sa iban nga distrito syudad.

(ATT)