LOOK: Mga stalls sang ukay-ukay sa Jaro Plaza, gin-demolish

Iloilo City — Ginpademolish na ang mga stalls sang ukay-ukay sa Jaro plaza. Ini ang sa mandu man ni acting mayor Joe Espinosa III kasunod sang emergency meeting kahapon. Suno sa presidente sang Association of Community Elders Incorporated nga si Dr. Rone Fernandez, dako ang epekto sang pagpademolish sang mga stalls nga ang kita makadto kuntani para sa kaayuhan sang mga senior citizens. Matandaan nagpaguwa sang resolution ang city government sang nagligad nga tuig nga nagadumili sa pagpaserado kag pagbaligya sang ukay-ukay sa sulod sang mga plaza sa syudad.

Ginmandu ni Espinosa ang pagpa-demolish matapos natukiban nga indi para sa senior citizens ang mga stalls nga nabutang sa plaza. Natukiban man sini nga naga-tap sa linya sang syudad ang mga stalls. Una dire, ginmandu ni Espinosa sa Task Force Boltahe ang pagkakas sa linya sang elektrisidad sang mga stalls. (JoMaque)