BJMP 7, nakasugod na imbestigar sa nakumpiskar nga sachets sang suspected shabu sa Iloilo District Jail sa Pototan

Pototan, Iloilo–Nakasugod na ang pamunuan sang Bureau of Jail Management and Penology 6 sa pag-imbestigar kon paano nakasulod sa selda sang Iloilo District Jail sa Nanga, Pototan ang walo ka sachets sang suspected shabu nga nakumpiskar sa greyhound operation sang Oktubre 1.

Insigida nga nagpadulong sa IDJ ang mga imbestigador matapos nakuha sa Selda 51 sa diin preso ang mag-amay nga Marque “Boboy” Acap kag Marque Acap Jr ang mga sachets. Ang mag-amay, pareho nga may kaso may kaangtanan sa illegal nga druga. Nakuha ang mga sachets sa idalum sang doormat sa kilid sang hagdanan sang katre sang mag-amay. Ginpahayag naman ni IDJ Warden Jail Supt. Jhon Montero nga nabuksan na ang isa sa mga sachets.

Isa si Marque Jr sa apat ka preso nga nagpositibo sa random drug test pagkatapos sang greyhound operation. Sang Oktubre 1 nagsugod pungko bilang jail warden sa IDJ si Montero. (AGB)