Mga kiosko sang ukay-ukay sa Mandurriao Plaza, ipademolish ni acting Mayor Joe Espinosa III

Iloilo City–Indi na magpa-negosyar si acting Mayor Joe Espinosa III sa iya desisyon nga dumilian ang pagbaligya sang ukay-ukay sa mga plaza sa siyudad.

Kasunod ini sang pag-demolish sang mga kiosko sang ukay-ukay sa Jaro Plaza kag ginaplano man nga isunod ang mga kiosko sang ukay-ukay sa Mandurriao Plaza. Ginapanindugan ni Espinosa nga indi sakup sang Agro Industrial Fair and Bazaar nga kabahin sang mga district fiestas ang pagbaligya sang ukay-ukay.

Wala naman nahadlok si Espinosa kun madamu ang maakig sa iya desisyon. Ang importante suno sa iya, ara siya sa insakto.

Una na nga nagwangal ang pila ka manugbaligya sang ukay-ukay sa Mandurriao Plaza sa plano nga i-demolish ang ila kiosko pareho sang natabu sa Jaro Plaza. (AGB)