PDEA 6, handa magbulig sa BJMP 6 sa pagtapna sang pagsulod sang mga kontrabando sa mga prisuhan

Iloilo City  — Handa nga magbulig si Philippine Drug Enforcement Agency (PDEA 6) Director Wardley Getalla sa mga personnel sang Bureau of Jail Management and Penology agud ma-monitor ang pagsulod sang mga kontrabando sa jail facilities. Nagaplano si Getalla nga magsapol sa taga-BJMP para mabal-an kon ano ang mga kinahanglanon sa facility kag sarang nga mabulig sang PDEA 6. Gin-ako ni Getalla nga indi masarangan sang isa ka ahensya ang pagtapna sang illegal nga druga kon wala sang bulig halin sa iban nga ahensya sang gobierno. Nagapasalamat si Getalla nga nangin bukas sa suhestyun ang bag-o nga jail warden sang Iloilo District Jail kag nag-ako nga may problema sa facility sa pagsulod sang mga kontrabando. (JoMaque)