Lalaki Ginpreso Bangud Sa Paghurikap Sang Babaye Nga Nagakatulog Sa Arevalo

Iloilo City – Wala napunggan sang 27-anyos nga  driver sa construction company ang iya kaugalingon rason nga ginhurikap ang paa kag kamut sang 33-anyos nga babaye samtang nagakatulog sa Arevalo kaina sang kaagahon.

Ginhitad ni alyas Edward ang dingding sang balay ni alyas Inday kag ginpasulod ang iya kamut sa sala sa diin nagakatulog ang biktima sa karte kaupod ang duha sini ka bata. Nakit-an mismo sang babaye ang hitsura sang suspetsado kabangdanan ginpadakop sa brgy tanod.

Ginpanginwala naman ni Edward ang akusasyon batuk sa iya. Madumduman sang nagligad nga semana, ginhurikap man sang suspetsado ang kinatawo sang biktima samtang nagakatulog sa ila balay. Nagahilibion si Edward ang gindakop sang brgy tanod.

Suno kay Inday, nakit-an niya mismo nga si Edward gid ang naghurikap sa iya. Pursigido ang tagreklamo nga magpasaka sang kaso batuk sa ginreklamo.

(ATT)Gin