Drug leader sa Iloilo nga si Arturo balume alyas Master Pedik, ginbuyagyag ang nagapalapta sang illegal nga druga sa Quinto Distrito

Iloilo — Ginbuyagyag ni police identified drug group leader Arturo Balume alyas Master Pedik kon sin-o ang nagapalapta sang illegal nga druga sa Quinto distrito. Si Master Pedick Balume ang nagpanugid matapos gin-imbestigaran sang Police Regional Office 6 Intelligence Division. Suno sa source sang Aksyon Radyo, ginhimo ni Balume ang pag-ako matapos nakit-an sa iya cellular phone kon sin-o ang mga gina-contact ukon na-transaction sa pagbaligya sang illegal nga druga. Gina-check pa sang maayo sang mga tinawo ni Iloilo Police Provincial Office Director Marlon Tayaba kon may police nga drug protectors si Balume.

Nadakpan si Master Pedick upod sa iya bata nga si Arturo Balume II alyas Toring sa Hinobaan, Negros Occidental bangud sa warrant of arrest sa kaso nga 2 counts of murder. Lakip sa gindakup kag pasakaan sang kaso nga obstruction of justice ang asawa ni Master Pedik nga si Honey Grace Balume, Pamela Balume, asawa ni alyas Tors kag Ryan Cainglet nga utod ni Pamela. (JoMaque)