Western Visayas Sanitarium, nagka-problema sa supply sang pagkaon

Iloilo — Nagkaproblema ang supply sang pagkaun sa western visayas sanitarium sang nagligad nga byernes.   Ini ang ginkunfirma sang officer-in-charge sang ospital nga si Dr. Ronar Silao.   Suno kay Dr. Silao, natalupangdan na ang problema sang nagliligad nga mga semana apang napaslawan nga maproseso ang in-charge personnel sang tanan nga requirements para sa cash advance.  Gilayon naman nga nagsapol si Dr. Silao kay Department of Health ukon DOH 6 Director Marlyn Convocar para solusyunan ang problema.  144 ang in house cases sa sanitarium kag 20 ang sa kustodiya sang leprosy ward suno kay Dr. Silao sang byernes sang gab-e. Ginpabutyag ni Dr. Silao nga posible resulta ang problema sa ginpahayag internal conflict sa ospital. (JoMaque)