Peace and Order Summit sa 5th District!
Iloilo–Apektado ang probinsya kun may problema sa Quinto Distrio.
Ini ang pahayag ni 5th District Congressman Raul Tupas kasunod sang ginpatawag nga Peace and Order Summit sa San Dionisio kaina sang aga.
Suno sa iya, katuyuan sang summit nga mahibaluan kun anu kalala ang problema sa peace and order sang distrito bangud sang ginpahayag pag-egsister sang armed groups ukon goons. Ginpabutyag sang kongresista nga kilala ang 5th District ilabe na ang Ssa presensya sang armed groups bangud ang kaupod niya mismo sa kongreso ang nagmuno sa iya nga naga-hire ang pila ka kilala nga tawo sa Masbate sang mga armado nga lalaki halin sa nasambit nga banwa.
Nagalaum si Tupas nga masolbar ang problema sa peace and order sa distrito ilabe na nga ginapanan-aw ang ila area nga tourist destination sa probinsya.
Magluwas kay Congressman Tupas, nagtambong sa peace and order summit ang mga mayors kag vice mayors sa Quinto Distrito, Sangguniang Bayan members, Liga nga mga Barangay presidents, chiefs of police, PRO 6 Director PCSUPT Cesar Hawthorne Binag kag IPPO Director PSSUPT Marlon Tayaba (AGB)