Problema Sa Peace And Order Situation Sa Quinto Distrito Na-Identify Na Suno Kay 5th District Congressman Raul Tupas

Province of Iloilo -Na-identify ang mga problema sa peace and order sa 5^th District sa Peace and Order Summit sa San Dionisio kahapon.

Suno kay 5^th District Congressman Raul Tupas, gin-ako sang mga opisyal sa Quinto Distrito nga may problema kag dapat nga solusyunan. Sa presentasyon ni Iloilo Police Provincial Office Director Marlon Tayaba, naguwa nga apat sa pito ka armed groups sa probinsya ang nagapa-amulya sa 5^th District.

Nagpasalig suno kay Tupas ang mga nagtambung nga magasuporta sa anuman nga solusyun agud mapa-ayo ang sitwasyon sang kalinong kag katawgay sa distrito.

Nagtambung sa summit ang 11 tanan ka mayors sa Quinto Distrito, mga vice mayors, SB members nga in-charge sa peace and order, chiefs of police kag local government operations officers. Nag-abot man si PRO 6 Director Cesar Hawthorne Binag.