Last trip sa RoRo vessel, nagsag-ud samtang nagapasulod sa Iloilo River

Iloilo — Nagsag-ud samtang nagapasulod sa Iloilo River ang last trip sang RORO vessel nga Fastcat halin sa Bacolod City kagab-i.  Pero nakahalin man gilayon ang RORO vessel sa lutakon nga parte sang suba suno kay Coast Guard Iloilo Station Commander Ramil Palabrica. Safe nga nakadungka sa Lapuz wharf ang sakayan kag wala sang nasamaran sa mga pasahero kag crew. Nagtakingking naman ang truck kag nagkaluhog ang karga sa dagat matapos nalab-ut sang punta sang manugdungka nga RORO vessel nga Tristar sa pantalan sa Dumangas kagab-i. Suno sa pasahero sang Tristar, nagapila ang truck sa rampahan sang natabu ang insidente. (JoMaque)