11-anyos nga estudyante nga lalaki sa Leganes nga una ginreport nagsuicide, natukiban nga ginpatay base sa autopsy result

Leganes, Iloilo — Ginpatay ang 11-anyos nga estudyante nga lalaki sa Leganes nga una ginreport nga nagbitay sang kaugalingon. Sa autopsy result ni Dr. Owen Lebaquin, nabali ang gusok ni alyas Toto. May nakita man nga gasgas sa dughan kag wala nga siko ang bata. Naghabok man ang wala nga porsyon sang guya sini suno  kay Dr. Lebaquin. Posible suno sa iya nga gintum-ok sang suspek ang dughan ni Toto antes siya ginbitay.

Gin-abe abe naman sang pamilya ni Toto ang resulta sang autopsy. Suno sa iloy nga si alyas Grace, sa una pa lang, indi na siya magpati nga mahimo sang iya bata ang maghikog. (JoMaque)