Mga menor de edad nga miembro sang mga tribu sa Dinagyang Festival, hatagan sang syudad sang Unified Curfew ID

Iloilo City — Hatagan sang syudad sang unified curfew ID ang mga menor-de-edad nga miembro sang mga tribu para sa Dinagyang Festival.   Ini ang nahisugtan sa sinapol kahapon upod ang principals sang mga eskwelahan nga mapasakup sa Dinagyang, Task Force on Moral and Values Formation Head Jorge Duron, ICPO Women and Children Protection Desk OIC Shella Mae Sangrines kag acting Mayor Joe Espinosa. Apang gin-athag ni Duron nga antes magpaguwa sang curfew pass, kinahanglan magsumiter ang mga principals sang official list sang tribe members agud ma-identify sang mga pulis ang mga menor-de-edad. Tubtob man lang alas-12 sa tungan gab-i ang curfew pass. Kon maglapaw sa tungan gab-i ang practice, suno kay Duron, sa eskwelahan na patulugon ang mga minors.

Ginahingyo naman sang school authorities nga may mabantay nga mga pulis, barangay tanod ukon barangay officials samtang naga-practice sila agud masiguro nga wala sang problema. (JoMaque)