Police official, arestado matapos naigo ang anay security guard sang naglupok ang iya pusil sa San Miguel, Iloilo

San Miguel, Iloilo–Pilason ang 32-anyos nga anay security guard matapos naigo sang naglupok ang pusil sang police offiicial sa ila pagpukutay sa burger stand sa banwa kagab-i.

Sa initial investigation sang San Miguel police, nagabakal sa Minute Burger sanday Sandy Santancio sang Brgy. Agboy, Leon kag Chief Inspector Conrado Rances, assigned sa Finance Division sa Police Regional office 6 sang nagtulukay tubtub nga nasita-anay kag nagsuyaay. Ginpahayag nga nagpakilala pa nga pulis si Rances apang ginbalewala lang siya sang biktima. Nagabot sang pusil si Rances apang napunggan ni Santancio tubtub nga nagpukutay kag naglupok ang pusil.

Napilasan sa wala na paa si Santancio kag confine sa Western Visayas Medical Center.

Nagsurrender sa San Miguel police si Chief Inspector Rances kag padayon nga gina-imbestigaran ang natabu. (AGB)