18-anyos nga lalaki nga gintudlo nagkuha sang figurine nga kabayo sa Westown Hotel sa Smallville Complex sa Mandurriao, nakaguwa na sa prisuhan

Iloilo City — Nakaguwa na kahapon ang 18-anyos nga lalaki nga gintudlo nagkuha sang figurine nga kabayo sa Westown Hotel sa Smallville Complex sa Mandurriao matapos nag-expire ang reglementary period sa Mandurriao Police Station.  Ginkonfirmar naman sang iloy ni Jose Martin Sadava nga nag-aregluhanay sila sang hotel nga bayran ang P10,000 nga balor sang figurine.

Sa panaysayon ni Security Guard Rodel Andaya sang Westown Hotel, nadisplay ang figurine sa 4^th floor kag ginpahayag nga ginkuha ni Sadava pero nahulog samtang nagapagguwa ini sa elevator rason nga nabuka. . Base naman sa blotter report, namutikan sang cashier sang MO2 Bar ang nahulog nga figurine gani ginpadakup sang mga staff si Sadava.  Makapila ka beses nga gintinguhaan sang Aksyon Radyo nga makuhaan sang iya bahin si Sadava pero wala ini nagpa-interview. (JoMaque)