60-anyos nga babaye sa Antique, ginlabu patay bangud sa away sa duta

Pandan, Antique–Wala nakaluwas ang 60-anyos nga babaye matapos ginlabu sang paryente sang iya bana sa Pandan, Antique.

Ginkilala ang napatay kay Erlinda Jontilano sang Barangay San Joaquin, Pandan, Antique nga naghabil-habil ang ulo matapos ginlabu ni Romeo Jontilano, 49-anyos. Suno kay PO3 Arnel Delos Santos sang Pandan Police Station, nagapanggarab ang biktima sang ginkadtuan sang suspek kag ginlabu.

Nagpalagyo ang suspek pagkatapos sang krimen. Away sa duta ang ginasunod nga motibo sa paglabu sa biktima. (AGB)