December 3, 2021

(UPDATE) 51-anyos nga empleyada sa City Hall, nag-athag nga indi pagpangimon ang rason sang pag-inaway nila sang 61-anyos nga job hire

Read Time:56 Second

Iloilo City–Nagpa-athag ang 51-anyos nga permanent employee sang City Hall sa pag-away nila sang 61-anyos nga job hire sang Lunes, Oktubre 30.

Pag-athag ni alyas Anne, indi pagpangimon ang rason kon ngaa nag-inaway sila ni alyas Bebing. Ginpahayag ni Anne nga tatlo ka tuig na siya nga ginagarit-garit ni Bebing bangud naluyag sa iya 51-anyos nga bana nga taxi driver. Apang wala suno kay Anne naluyag ang iya bana kay Bebing gani siya ang ginahingabot.

Ginpabutyag ni Anne nga masami pa siya ginapadal-an sang text message ni Bebing nga nagapakilala nga kerida ini sang iya bana.

Sang Lunes, nagbunggu-anay ang duha sa puwertahan sang opisina. Suno kay Anne, gintiklod siya ni Bebing matapos siya ginhambalan nga iya ginsiko ang 61-anyos. Naka-igo ang kamot ni Anne sa pader kag naglagub gid. Dugang niya, ginsumbag pa siya ni Bebing sa guya kag ginsipa sa wala nga tiil gani nga iya ginbalusan sang gan-it sa buhok.

Handa si Anne nga magpa-idalum sa imbestigasyon. Indi naman magpa-interview si Bebing sang ginkadtuan sang Aksyon Radyo Iloilo. (AGB)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Mayor Joe Espinosa Natalana Magpapanaug Sang Appointment Order Kun Sin-o Sa Mga Executive Assistants Ni Dismissed Mayor Jed Patrick Mabilog Ang Ipabilin Niya Sa Pwesto
Next post Problema sa PECO, hatagan pagtamud ni Presidential Spokesperson Harry Roque Jr