61st IB sang Philippine Army kag New People’s Army, nag-engkuwentro sa Cuartero Capiz; Isa ka miembro sang NPA, patay

Capiz — Ginconfirmar ni Lt. Col. Sisenando A. Magbalot, Jr. Commanding Officer sang 61st IB sang Philippine Army nga isa ang napatay sa bahin sang New People’s Army ukon NPA sa pagpakig-engkuwentro sang mga suldado sa mga rebelde sa Cuartero Capiz. Suno kay Magbalot, naglawig sang isa ka oras ang engkuwentro nga nag-umpisa alas 4:00 sang hapon antes narecover ang bangkay sang ginapatihan miembro sang NPA. Narecover man sa lugar ang AK47 kag mga importante nga dokumento. 15 tubtob 20 ka miembro sang NPA ang na-engkwentro sang mga suldado sa Sitio Tibaka Gamay, Barangay San Antonio matapos nakabaton sang intelligence report nga may nagapangayo-ngayo nga armado nga mga lalaki sang humay sa area. Gina-imbestigaran sang mga otoridad ang identity sang miembro sang NPA. (JoMaque)